జన జాగృత నవ భారత మహోదయం
ఈకనులతోనే కాంచుదాం
ఈ జీవితమున సాధించుదాం.. జన జాగృత
ప్రాంత భాష కులమతాల కలకలతో
పలురీతుల బలహీనతలావరించే
అందరామొకటిగా నిలిచి తరతమ బేధాలు మరచి
జాతిని సేవించుదాం.. మన భారతినే పూజించుదాం.. జన జాగృత
కంటి నలుసు కాలి ముల్లు కలిగించే బాధలను
గుండె రగుల మెదడు పగుల ఇడుములు తొలగించుదాం
అహరహమూ శ్రమియించి జగతిన శిరమెత్తి నిలిచి
జాతిని సేవించుదాం.. మన భారతినే పూజించుదాం జన జాగృత
చిన్నప్పుడెప్పుడో మా మాష్టారు నేర్పిన పాట ఇది. నాకు కొంతే గుర్తుంది,మిగిలింది ఎవరికైనా తెలిస్తే పూరించరూ...???
